Ietsie Oor  Ons

O hna N el

Welkom by my webblad!

Ek is toerleier en eienaar van Ohna Nel Toere, Jocath Photography Training en Pix-Guru, sowel as 'n professionele fotograaf. My reis het in 2008 begin toe met die opleiding van fotograwe begin het.  Oor die jare het ek die voorreg gehad om ontelbare individue te mentor en op te lei. Hulle fotografie vaardighede is verfyn en hulle het 'n unieke kreatiewe gevoel ontdek met behulp van fotografie.

In 2012 het ek die eerste suksesvolle fototoer na Namibië onderneem. As gevolg hiervan, is fototoere op 'n meer gereelde basis aangebied. Dit het ontwikkel in verskeidenheid soorte toere vir almal en nie net vir fotograwe nie!

My toere is ontwerp vir beide passievolle reisigers en ook ervare- of beginner toerlede en ook diegene wat hul fotografie wil beproef. Ek bied 'n kombinasie van avontuur-, opvoeding- en inspirasietoere aan. Dit verseker dat elke deelnemer nie net ongelooflike plekke sien nie, maar ook leer om daardie skoonheid deur die kamera - of foonlens vas te vang. Van besige stadstonele tot rustige natuurtonele, elke toer is saamgestel om pragtige geleenthede en onvergeetlike ervarings te bied.

Sluit by my aan terwyl ons verborge juwele en ikoniese bakens verken, in plaaslike kulture delf en saam pragtige visuele stories skep. Of jy nou op soek is na net 'n unieke reiservaring of ook jou fotografiese vaardighede wil verbeter is ek hier om leiding en hulp aan te bied.  Kom ons begin hierdie reis van ontdekking, kreatiwiteit en die skep van blywende herinneringe en vriendskappe saam.